Um Borgarleikhúsið

Saga Borgarleikhússins er afar merkileg en í mörg ár unnu félagsmenn Leikfélags Reykjavíkur ötullega að því að styrkja húsbyggingarsjóð með leiksýningum og skemmtunum undir slagorðinu „Við byggjum leikhús”. Leikfélagsfólk vann af óbilgirni, metnaði og festu að því að styrkja sjóðinn og eftir margra ára þrotlausa vinnu varð loksins ljóst að draumurinn um Borgarleikhús gæti ræst. Snemma árs 1975 samþykkti borgarstjórn Reykjavíkur stofnskrá fyrir Borgarleikhúsið í Reykjavík. Árið 1976 var fyrsta skóflustungan tekin og 10 árum síðar fékk LR lyklavöldin að Borgarleikhúsinu. Húsið var svo opnað með pompi og prakt 21. október 1989.

Leikfélag Reykjavíkur er elsta leikfélag sem starfað hefur óslitið á Íslandi og er jafnframt eitt elsta starfandi menningarfélag landsins. Leikfélagið annast rekstur Borgarleikhússins í samræmi við samkomulag félagsins við Reykjavíkurborg.