Með Guð í vas­an­um

Ásta upplifir sig í blóma lífsins þótt hún glími við ýmis veikindi og erfiðleika sem fylgja hækkandi aldri. Ekki bætir úr skák að hjartkær einkadóttirin þvælist dálítið fyrir henni og er hreint út sagt óþolandi stjórnsöm á köflum. Þegar Ásta mætir sínum stærstu áskorunum er gott að eiga öflugan bakhjarl í Guði – ekki síst þar sem segja má að Ásta sé með hann gjörsamlega í vasanum, eða hvað? Það kemur svo í ljós að Guð þarf að láta hendur standa fram úr ermum í þeim miklu breytingum sem standa fyrir dyrum í lífi Ástu.

María Reyndal sló rækilega í gegn með verkinu Er ég mamma mín? sem gekk fyrir fullu húsi í Borgarleikhúsinu í þrjú leikár. Hér er hún komin með nýtt verk, að þessu sinni um Ástu og samferðafólk hennar - lífs og liðið og baráttu mannsandans við að sleppa tökunum. Með Guð í vasanum einkennist af hlýju og leiftrandi húmor enda hefur María einstakt lag á að fjalla á grátbroslegan en heiðarlegan hátt um mannleg samskipti.

Katla Margrét Þorgeirsdóttir fer fyrir einvala liði leikara í þessari fallegu sýningu. Með Guð í vasanum var valin ein af sýningum ársins af gagnrýnanda Morgunblaðsins og ein af hápunktum leikhúshaustsins af gagnrýnanda Stundarinnar.  

Sérstakar þakkir:

Sjöfn Sigurjónsdóttir
Orri Vésteinsson
Hrafnhildur Orradóttir
Svana Svanþórsdóttir
Davíð Þór Jónsson
Bjarni Karlsson
Alzheimer samtökin
Maja Árdal
Gunnþórunn Guðmundsdóttir
Klara Steinsdóttir
Harpa Guðmundsdóttir
Elísa Finnsdóttir
Melkorka Gunborg Briansdóttir

Með Guð í vasanum er 711. frumsýning Leikfélags Reykjavíkur

Frumsýning 22. september á Nýja sviði Borgarleikhússins.